പാനൂർ : (www.panoornews.in)രാജ്യാന്തര വനിതാ ദിനത്തിനു മുന്നോടിയായി ജില്ലയിലെ 35 ചിത്രകാരികൾ വരച്ച പെയ്ന്റിങ്ങുകളുടെ പ്രദർശനത്തിന് കതിരൂർ പഞ്ചായത്ത് ആർട്ട് ഗാലറിയിൽ മികച്ച പ്രതികരണം. 'മിഴി' എന്ന ചിത്രകാരി കൂട്ടായ്മയുടെ ആറാമതു പ്രദർശനമാണിത്.പ്രദർശനം ശനിയാഴ്ച സമാപിക്കും.
പല മേഖലയിൽ ജോലി ചെയ്യുന്നവരും, ചിത്രകല പഠിച്ച വരും സ്വയം പഠിച്ചവരും ചിത്രകലയിൽ ശ്രമം നടത്തുന്നവരും സ്വന്തം കലാവാസന കൊണ്ടു മാത്രം ചിത്രകലയിലേക്കു പ്രവേശിച്ചവരുമായ വനിതകളാണ് ദൃശ്യസമ്പന്നമായ പ്രദർശന മൊരുക്കിയത്. കണ്ണൂർ ജില്ലയിലെയും, മാഹിയിലെയും 35 ചിത്രകാരികളുടെ 70 രചനകളാണു പ്രദർശനത്തിലുള്ളത്. ഓരോ വർഷവും ഓരോയിടങ്ങളിൽ പ്രദർശനം നടത്താറുണ്ടെന്നും, ഇത് ആറാമത് പ്രദർശനമാണെന്നും ചിത്രകാരികളായ നിഷ ഭാസ്ക്കരനും, ഇ.വി റബ്നയും പറഞ്ഞു.
വിഭിന്ന ശൈലികൾകൊണ്ടും നിറക്കൂട്ടു കൾ കൊണ്ടും ആശയാവതര ണരീതികൾ കൊണ്ടും ആസ്വാദക മനസ്സിൽ നിറഞ്ഞു നിൽക്കുന്ന കാഴ്ചയാണു പ്രദർശനം നൽകുന്നത്. വലിപ്പച്ചെറുപ്പമില്ലാതെ എല്ലാവരുടെയും ചിത്രങ്ങൾ ഉൾപ്പെടുത്തിയ ചിത്രപ്രദർശനം ഏറെ ആസ്വാദകരമാണെന്ന് സുരേഷ് കൂത്ത്പറമ്പ് പറഞ്ഞു.
പല പ്രായത്തിലുള്ള ചിത്രകാരികൾ കൈകാര്യം ചെയ്യുന്ന ചിത്രരീതികൾ കേരളീയ ചുമർചിത്രകല ശൈലിയിലുള്ളതാണ്. തെയ്യം, കഥകളി പോലുള്ള സാംസ്കാരിക കലാരൂപങ്ങളു ടെ ദൃശ്യാവിഷ്ക്കാരവും പ്രക്യതിയുടെ സൂക്ഷ്മ നിരീക്ഷണ ങ്ങളും പ്രതിപാദിക്കുന്നു. അമൂർത്തമായ ആശയങ്ങളുടെ പരിചിതമായ രൂപങ്ങളെ മറികടന്നുള്ള രചനകളുമുണ്ട്. കണ്ണൂർ ജില്ലയിൽ സ്ത്രീകൾ കൂടുതലായി ചിത്രകലാരംഗത്തേക്ക് കടന്നു വരുന്ന പ്രവണത കൂടുതലാണെന്നും മിഴി നടത്തുന്ന പ്രദർശനം അഭിമാനകരമാണെന്നും സിനിമാ സംവിധായകൻ പ്രദീപ് ചൊക്ലി പറഞ്ഞു.
ജില്ലാ പഞ്ചായത്ത് വൈസ് പ്രസിഡന്റ് ടി.ഷബ്നയാണ് പ്രദർശനം ഉദ്ഘാടനം ചെയ്തത്.10 മുതൽ 6 വരെയാണു ഗാലറി സമയം. പ്രദർശനം 7നു സമാപിക്കും. സമാപന സമ്മേളനം ശനിയാഴ്ച വൈകീട്ട് നാലിന് മീനാക്ഷി ഗുരുക്കൾ ഉദ്ഘാടനം ചെയ്യും.
Content Highlight: 'Mizhi 6' exhibition receives great response at Kathiroor Art Gallery; Exhibition of 35 women underway, concluding on Saturday
