പാനൂർ: (www.panoornews.in)സർക്കാറിൻ്റെ സേവനങ്ങൾ സമയബന്ധിതമാവുന്നുണ്ടോയെന്ന് ഉറപ്പു വരുത്തുന്നതിനും, സർക്കാർ ആനുകൂല്യങ്ങൾ വേഗതയിൽ ജനങ്ങളിൽ എത്തിക്കുന്നതിനുമായി
എം എൽ എ ഓഫീസ് കേന്ദ്രീകരിച്ച് കോൾ സെൻ്റർ പ്രവർത്തനമാരംഭിച്ചു. കൂത്തുപറമ്പ് മണ്ഡലം സെൻ്റർ പാനൂരിൽ ഖാദി ബോർഡ് വൈസ് ചെയർമാൻ പി.ജയരാജൻ ഉദ്ഘാടനം ചെയ്തു. ജനങ്ങളുമായി എം.എൽ.എ ബന്ധപ്പെടുന്നതിനും, സർക്കാർ സേവനങ്ങൾ ജനങ്ങളിൽ എത്തി ക്കുന്നതിനും മുഖ്യമന്ത്രിയുടെ ഓഫീസ് വരെ നേരിട്ട് ബന്ധപ്പെടാനുള്ള സംവിധാനമാണ് ഇത് വഴി സാധ്യമാകുന്നതെന്നും അദ്ദേഹം പറഞ്ഞു.
കെ.പി.മോഹനൻ എം എൽ എ അധ്യക്ഷത വഹിച്ചു. പി.ഹരീന്ദ്രൻ, പി.കെ.പ്രവീൺ, രവീന്ദ്രൻ കുന്നോത്ത്, .കെ.ധനഞ്ജയൻ, കെ.ഇ.കുഞ്ഞബ്ദുള്ള, കെ.ടി.രാഗേഷ്, കെ.പി.യൂസഫ്, കെ.രാമചന്ദ്രൻ ,പി.ദിനേശൻ തുടങ്ങിയവർ സംബന്ധിച്ചു
കൂത്തുപറമ്പ് മണ്ഡലത്തിലെ വികസന കാര്യങ്ങളുൾപ്പെടെയുള്ള കാര്യങ്ങൾ കോൾ സെൻ്റർ വഴി ലഭ്യമാകും.
രാവിലെ 9.30 മുതൽ 5. 30 വരെയായി 04902080645 ഫോൺ നമ്പറിൽ പൊതുജനങ്ങൾക്ക് ഓഫീസുമായി ബന്ധപ്പെടാവുന്നതാണ്.
Now, a 'call' is all it takes to know about government services in the Koothparamba constituency; the call center has started functioning at the Panur MLA office.
.jpeg)
