(www.panoornews.in)സേവാഭാരതി പന്ന്യന്നൂർ പഞ്ചായത്ത് സമിതിയുടേയും തലശ്ശേരി കോംട്രസ്റ്റ് ചാരിറ്റബിൾ ട്രസ്റ്റ് ഐ ഹോസ്പിറ്റലിന്റേയും സഹകരണത്തോടെ സൗജന്യനേത്ര പരിശോധനയും, തിമിരശസ്ത്രക്രിയ നിർണ്ണയക്യാമ്പും നടത്തി. കിഴക്കേ ചമ്പാട് ഋഷിക്കര കൊറ്റോൽ ജനരഞ്ജിനി എൽ.പി സ്കൂളിൽ നടന്ന ക്യാമ്പ് ഇന്ത്യൻ ആന്റി കറപ്ഷൻ മിഷൻ സംസ്ഥാന വൈസ് പ്രസിഡണ്ട് ഇ മനീഷ് ഉദ്ഘാടനം ചെയ്തു. പറമ്പത്ത് സന്തോഷ് അധ്യക്ഷനായി. സഞ്ജീവ് കുമാർ, വി.പി മനോഹരൻ, പ്രജീഷ്, പ്രകാശ് ബാബു എന്നിവർ സംസാരിച്ചു. രാവിലെ 8.30 മണി മുതൽ ഉച്ചയ്ക്ക് 1 മണിവരെയാണ് ക്യാമ്പ് നടന്നത്. തലശ്ശേരി കോംട്രസ്റ്റ് നേത്ര സംരക്ഷണ ആശുപത്രിയിലെ വിദഗ്ദ ഡോക്ടർമാർ പരിശോധനയ്ക്ക് നേതൃത്വം നൽകി.
തിമിര ശസ്ത്രക്രിയ ആവശ്യമായി വരുന്ന രോഗികൾക്ക് തലശ്ശേരി കോംട്രസ്റ്റ് നേത്ര സംരക്ഷണ ആശുപത്രിയിൽ വെച്ച് സൗജന്യമായി ശസ്ത്രക്രീയ ചെയ്തു നൽകും. ശസ്ത്രക്രിയക്കായി തിരഞ്ഞെടുക്കപ്പെടുന്ന രോഗികൾക്ക് തലശ്ശേരിയിലെ കോംട്രസ്റ്റ് നേത്രസംരക്ഷണ ആശുപത്രിയിൽനിന്നുള്ള തിമിര ശസ്ത്രക്രിയയും തിരിച്ചുപോകുമ്പോൾ വീട്ടിൽനിന്നും ഉപയോഗിക്കാനുള്ള മരുന്നും, പൊടിപടലങ്ങ ളിൽനിന്നും സംരക്ഷിക്കുവാനായി കറുത്ത കണ്ണടയും സൗജന്യമായി ലഭിക്കും.
An eye check-up camp was organized at Janaranjini LP School, East Chambad under the leadership of Seva Bharathi Pannyannur Panchayat Samathi.
