ചെസിൽ തിളങ്ങി സഹോദരങ്ങൾ; കണ്ണൂർ ജില്ലാ അണ്ടർ-17 ചാമ്പ്യൻഷിപ്പിൽ ആരാധ്യയ്ക്കും ആദേഷിനും തിളക്കമുള്ള നേട്ടം

അഞ്ചരക്കണ്ടി:(www.panoornews.in) കുന്നിരിക്കയിൽ നിന്നുള്ള സഹോദരനും സഹോദരിയും ചെസ് ബോർഡിൽ വീണ്ടും തിളങ്ങി.കുന്നിരിക്ക ശ്രീപദത്തിൽ രജനീഷ് - വീണ ദമ്പതികളുടെ മക്കളായ ആരാധ്യ കൊമ്മേരി രാജനീഷ്, ആദേഷ് കൊമ്മേരി രാജനീഷ് എന്നിവരാണ് കണ്ണൂർ ജില്ലാ അണ്ടർ-17 സെലക്ഷൻ ചെസ് ചാമ്പ്യൻഷിപ്പ് 2026-ൽ മികച്ച പ്രകടനം കാഴ്ചവെച്ചത്.ഗേൾസ് വിഭാഗത്തിൽ ആരാധ്യ രണ്ടാം സ്ഥാനവും ഓപ്പൺ വിഭാഗത്തിൽ ആദേഷ് നാലാം സ്ഥാനവും സ്വന്തമാക്കി.

ഇരുവരും കുന്നിരിക്ക യു.പി. സ്കൂളിലെ വിദ്യാർത്ഥികളാണ്. ചെറിയ പ്രായത്തിൽ തന്നെ തുടർച്ചയായി മികച്ച പ്രകടനം കാഴ്ചവെച്ച് ചെസ് രംഗത്ത് ശ്രദ്ധേയരായ ഇവർ നാടിന്റെയും സ്കൂളിന്റെയും അഭിമാനമായി മാറുകയാണ്.

ജില്ലാ ചാമ്പ്യൻഷിപ്പിലെ മികച്ച പ്രകടനത്തോടെ സംസ്ഥാനതല മത്സരങ്ങൾക്കുള്ള സെലക്ഷനിലും ഇരുവരും ഇടം നേടുമെന്ന പ്രതീക്ഷയിലാണ് പരിശീലകരും കുടുംബവും. കുട്ടികളുടെ കഠിനാധ്വാനത്തിനും സമർപ്പണത്തിനുമുള്ള അംഗീകാരമാണ് ഈ നേട്ടമെന്ന് സ്കൂൾ അധികൃതരും നാട്ടുകാരും അഭിപ്രായപ്പെട്ടു

Content Highlight: Kannur U17 Chess: Aardhya and Aadesh from Kunnirika Win Top Spots

#Chess Championship #Kannur District #U17 Chess #Kerala Sports #School News