ഇരിട്ടി : ഇരിട്ടി എക്സൈസ് സർക്കിൾ ഇൻസ്പെകടർ സി.രജിത്തിൻ്റെ നേതൃത്വത്തിൽ കൂട്ടുപുഴയിൽ നടത്തിയ പരിശോധനയിൽ അന്തർ സംസ്ഥാന ബസിൽ കടത്തിയ 223 കാപ്സ്യൂൾ (135.697 ഗ്രാം) സ്പാസ്മോ പ്രോക്സി വോൺ പ്ലസ് കാപ്സ്യൂളുകൾ പിടികൂടി. ഉടമസ്ഥൻ ആരെന്ന് കണ്ടെത്താനായി സാധിച്ചിട്ടില്ല. വേദനസംഹാരിയായി ഉപയോഗിക്കുന്ന ഈ ടാബ്ലറ്റ് ഡോക്ടറുടെ ചീട്ട് ഇല്ലാതെ കയ്യിൽ വയ്ക്കുന്നത് കുറ്റകരമാണ്.
പരിശോധനാ സംഘത്തിൽ കൂട്ടുപുഴ എക്സൈസ് ഇൻസ്പെക്ടർ അനീഷ് കുമാർ പുത്തിലൻ, അസി. എക്സൈസ് ഇൻസ്പെക്ടർ (ഗ്രേഡ്) മാരായ പി. അബ്ദുൾ ബഷീർ ,കെ. രാജീവൻ , കെ . എം .ദീപക്, പ്രിവൻ്റീവ് ഓഫീസർ (ഗ്രേഡ്) മാരായ കെ.ബൈജേഷ്, വി.എൻ.സതീഷ്, സിവിൽ എക്സൈസ് ഓഫീസർമാരായ ധനുസ് പൊന്നമ്പേത്ത് ,എ.വി.അർജുൻ നാരായണൻ, ടി.പി.സുദീപ്, കെ.രമീഷ്, ബെൻഹർ കോട്ടത്തു വളപ്പിൽ, വനിതാ സിവിൽ എക്സൈസ് ഓഫീസർ ശ്രേയ മുരളി,സിവിൽ എക്സൈസ് ഓഫീസർ ഡ്രൈവർ കെ.പി. ജുനീഷ് എന്നിവരുണ്ടായിരുന്നു
Excise conducts lightning raid in Iritty Kootupuzha; Deadly narcotic pills smuggled in bus seized
