കണ്ണൂർ ജില്ലയിൽ പത്രിക സമർപ്പിച്ചത് 8,290 പേർ ; നഗരസഭയിൽ മുന്നിൽ തലശേരിയും, പാനൂരും

പാനൂർ :(www.panoornews.in)തദ്ദേശ തിരഞ്ഞെടുപ്പിൽ ജില്ലയിൽ പത്രിക നൽകിയത് 8,290 സ്ഥാനാർഥികൾ. ഇതിൽ 3,934 പുരുഷമാരും 4,356 സ്ത്രീകളുമാ ണുള്ളത്. 11,165 നാമനിർദേശ പത്രികളാണ് ആകെ സമർപ്പിച്ചത്. വെള്ളിയാഴ്ച വൈകീട്ട് മൂന്നിന് പത്രികാ സമർപ്പണം പൂർത്തിയായ തോടെയാണ് മത്സരരംഗ ത്തിന്റെ ചിത്രം തെളിഞ്ഞത്.നാമനിർദ്ദേശ പത്രികാസമർപ്പണത്തിന്റെ അവസാന ദിവസമായ വെള്ളിയാഴ്ച 2,741 പേരാണ് പത്രിക സമർപ്പിച്ചത്. സൂഷ്മപരിശോധന ശനിയാഴ്ച രാവിലെ 10

മുതൽ നടക്കും. പിൻവലിക്കാനുള്ള അവസാനതീയതി 24-ന് വൈകീട്ട് അഞ്ച് വരെയാണ്. ജില്ലാ പഞ്ചായത്തിലേക്ക് 206 നാമനിർദേശ പത്രികകൾ സമർപ്പിച്ചു. 128 സ്ഥാനാർഥികളാണുള്ളത്. കോർപ്പറേഷനിലേക്ക് 482 പത്രികകളാണ് സമർപ്പിച്ചത്.

മത്സരരംഗത്തുള്ള സ്ഥാനാർഥി കൾ 326. ഗ്രാമപ്പഞ്ചായത്തുകളിൽ 1,766, നഗരസഭകളിൽ 528, കോർപ്പറേഷനിൽ 101, ജില്ലാ പഞ്ചായത്തിൽ 39, ബ്ലോക്ക് പഞ്ചായത്തിൽ 307 എന്നിങ്ങനെയാണ് വരണാധികാരി / ഉപവ രണാധികാരികൾ മുമ്പാകെ നാമനിർദേശ പത്രികകൾ സമർപ്പിക്കപ്പെട്ടത്. തലശേരി നഗരസഭയിലാണ് ഏറ്റവുമധികം നാമനിർദ്ദേശ പത്രിക സമർപ്പിക്കപ്പെട്ടത്. 343 എണ്ണം. പാനൂർ, കൂത്ത്പറമ്പ് നഗരസഭകളിൽ യഥാക്രമം 296,263 പത്രികകളും സമർപ്പിക്കപ്പെട്ടു.

8,290 people filed nominations in Kannur district; Thalassery and Panur are ahead in the municipality