കണ്ണൂർ:(www.panoornews.in)രാത്രി പൊലീസ്സ്റ്റേഷനിൽ ഡിവൈഎസ്പി മിന്നൽ പരിശോധനയ്ക്ക് എത്തിയപ്പോൾ കണ്ടത് ഡ്യൂട്ടിയിൽ ഉറങ്ങുന്ന പൊലീസുകാരെ. പയ്യന്നൂർ പൊലീസ് സ്റ്റേഷനിലാണു സംഭവം. ലോക്കപ്പിൽ പ്രതികളുള്ളപ്പോൾ ഉറങ്ങിയ 3 പേരെയും സ്ഥലംമാറ്റി എസ്പിയുടെ ഉത്തരവ്. കണ്ണൂർ റൂറൽ എസ്പി. അനുജ് പലിവാളിൻ്റെ നിർദേശ പ്രകാരം തളിപ്പറമ്പ് ഡിവൈഎസ്പി കെ.ഇ.പ്രേമചന്ദ്രനാണു
കഴിഞ്ഞ 17നു പുലർച്ചെ 1.30 ഓടെ പയ്യന്നൂർ പൊലീസ് സ്റ്റേഷനിൽ മിന്നൽ പരിശോധനക്ക് എത്തിയത്. പൊലീസ് സ്റ്റേഷനിൽ ഉറങ്ങുന്നതായി കണ്ട 3 പൊലീസുകാരെ ഉണർത്തുകയായിരുന്നു. സ്റ്റേഷനിൽ ആ സമയത്ത്, പയ്യന്നൂരിലെ കവർച്ചക്കേസിലെ മൂന്നു പ്രതികളുമുണ്ടായിരുന്നു.
ലോക്കപ്പിൽ പ്രതികളുള്ളപ്പോൾ ഉറങ്ങിയതു ഗുരുതര വീഴ്ചയായതിനാൽ ഡിവൈഎസ്പി പ്രേമചന്ദ്രൻ റൂറൽ എസ്പിക്കു റിപ്പോർട്ട് നൽകി. റിപ്പോർട്ടിന്റെ അടിസ്ഥാനത്തിലാണ് ഇവരെ സമീപത്തെ വിവിധ പൊലീസ് സ്റ്റേഷനുകളിലേക്ക് സ്ഥലം മാറ്റിയത്.
When the DySP arrived for a quick inspection, the accused and policemen were asleep in the lockup; 3 people were transferred
