#Susheela #passes away
(www.panoornews.in)ഗ്രന്ഥശാല പ്രവർത്തന രംഗത്തും സാമൂഹിക-രാഷ്ട്രീയ മേഖലകളിലും സജീവ സാന്നിധ്യമായിരുന്ന എഴുത്തുകാരനും സി.പി.എം നേതാവുമായ പരേതനായ ഐ.വി. ദാസിന്റെ ഭാര്യ സുശീല (85) നിര്യാതയായി. വാർധക്യ സഹജമായ അസുഖങ്ങളെ തുടർന്ന് ചികിത്സയിൽ കഴിയുന്നതിനിടെയായിരുന്നു അന്ത്യം.
പ്രദേശത്തെ സാമൂഹിക-സാംസ്കാരിക പ്രവർത്തനങ്ങളോട് ആത്മബന്ധം പുലർത്തിയിരുന്ന സുശീല, കുടുംബത്തിനും നാട്ടുകാർക്കും ഏറെ പ്രിയങ്കരയായിരുന്നു. നിരവധി വർഷങ്ങളായി പൊതുപ്രവർത്തന രംഗത്ത് നിറഞ്ഞുനിന്ന ഐ.വി. ദാസിന്റെ പ്രവർത്തനങ്ങൾക്ക് പിന്തുണയായി നിന്ന വ്യക്തിയെന്ന നിലയിലും അവർ അറിയപ്പെട്ടിരുന്നു.
മകൻ : പരേതനായ ഡോ. ഐ.വി. ബാബു.
മരുമകൾ : ലത (വടകര).
സംസ്കാര ചടങ്ങുകൾ നാളെ രാവിലെ 10 മണിക്ക് മൊകേരി പാറേമ്മലിലെ വീട്ടുവളപ്പിൽ നടക്കും. നിരവധി രാഷ്ട്രീയ, സാംസ്കാരിക, ഗ്രന്ഥശാല പ്രവർത്തകർ അനുശോചനം രേഖപ്പെടുത്തി.
Content Highlight: I.V. Das's wife Susheela passes away; funeral to be held tomorrow at 10 am
.jpeg)
