നാലര പതിറ്റാണ്ടായിട്ടും സർക്കാറും, തദ്ദേശസ്ഥാപനങ്ങളും കണ്ണ് തുറന്നില്ല ; തൃപ്പങ്ങോട്ടൂർ പഞ്ചായത്തിലെ പാറയുള്ള പറമ്പ് - കുറ്റിൽക്കാട് റോഡ് നാട്ടുകാർ ഇടപെട്ട് ടാർ ചെയ്തു.

പാനൂർ :  (www.panoornews.in)തൃപ്പങ്ങോട്ടൂർ പഞ്ചായത്തിൽ നാലര പതിറ്റാണ്ടായി ടാർ ചെയ്യാതെ കിടന്ന പാറയുള്ള പറമ്പ് - രാമൻ പീടിക - കുറ്റിൽക്കാട് റോഡിന് ഒടുവിൽ ശാപമോക്ഷം. റോഡ് ടാറിംഗിനായി സർക്കാർ സംവിധാനങ്ങളെ കാത്തിരുന്ന് സഹികെട്ട നാട്ടുകാർ ഒടുവിൽ സംഘടിച്ച് ടാറിംഗ് സ്വന്തം നിലക്ക് നടത്തുകയായിരുന്നു.

Also read: പന്ന്യന്നൂർ ഗവ.ഐ.ടി.ഐയിൽ ഇലക്ട്രീഷ്യൻ ട്രേഡിൽ പട്ടിക വർഗ വിഭാഗത്തിൽപ്പെട്ടവർക്കായി സ്പോട്ട് അഡ്മിഷൻ

സർക്കാർ സംവിധാനങ്ങളും, തദ്ദേശ സ്വയം ഭരണ സ്ഥാപനങ്ങളും കൈയ്യൊഴിഞ്ഞ റോഡ് സ്വന്തം നിലയിൽ മനോഹരമായി ടാർ ചെയ്ത് നാട്ടുകാരുടെ കൂട്ടായ്മ.

Also read: റാപ്പര്‍ വേടന് വീണ്ടും നിയമക്കുരുക്ക്; ഗവേഷക വിദ്യാർഥിനിയുടെ പരാതിയില്‍ കേസ്

45 വർഷത്തോളമായി ഇപ്പ ശരിയാക്കാം എന്ന വാക്ക് കേട്ട് മടുത്ത നാട്ടുകാർ ഒടുവിൽ കഴിഞ്ഞ വർഷം കമ്മിറ്റി ചേർന്ന് റോഡ് നിർമ്മാണത്തിനായി രംഗത്തിറങ്ങുകയായിരുന്നു.

കമ്മിറ്റി ചേർന്ന് ഘട്ടം ഘട്ടമായി ഓരോ പ്രവൃത്തിയും പൂർത്തീകരിച്ചാണ് നാട്ടുകാർ ടാറിംഗിലേക്ക് എത്തിയത്.. ഈ ആവശ്യവുമായി പ്രദേശത്തെ ക്വാറി ഉടമകളെ സന്ദർശിച്ചപ്പോൾ റോഡ് നിർമ്മാണത്തിനാവശ്യമായ ക്വാറി വേസ്റ്റും, ജില്ലിയും നൽകാമെന്നേറ്റു . പ്രദേശത്തെ പ്രവാസികളും, ബാംഗ്ലൂർ വ്യാപാരികളും കൈയ്യയച്ച് സഹായിച്ചതോടെ 500 മീറ്ററോളം റോഡ് ടാർ ചെയ്ത് മനോഹരമാക്കി. വാർഡ് അംഗം എ.കെ ഭാസ്ക്കരൻ റോഡ് ഉദ്ഘാടനം ചെയ്തു.

സർക്കാർ സംവിധാനങ്ങളെ കാത്തിരിക്കുകയാണെങ്കിൽ ഇനിയും 25 കൊല്ലം കഴിഞ്ഞാലും റോഡ് ഇതേ അവസ്ഥയിലായിരിക്കുമെന്നും, കൂട്ടായ ശ്രമത്തിലൂടെയാണ് റോഡ് പണി പൂർത്തിയാക്കിയതെന്ന് എ.കെ ഭാസ്കരൻ പറഞ്ഞു.

Also read: വീണ്ടും ന്യൂനമർദ സാധ്യത, നാളെ മുതൽ ശക്തി പ്രാപിക്കുമെന്ന് മുന്നറിയിപ്പ് ; കേരളത്തിൽ വിവിധ ജില്ലകളിൽ യെല്ലോ അലർട്ട്

കെ.പി നാണു അധ്യക്ഷനായി. പുരുഷു മൂക്കോത്ത് സ്വാഗതവും, എ.കെ അനിൽകുമാർ നന്ദിയും പറഞ്ഞു. പി.ഗോവിന്ദൻ, എ.കെ ബാലൻ, സി.പി രജിത്ത് എന്നിവർ സംബന്ധിച്ചു. റോഡ് യാഥാർത്ഥ്യ മായതിന്റെ സന്തോഷം നാട്ടുകാരും മറച്ചു വച്ചില്ല. പായസ വിതരണവും നടന്നു.

Also read: പാനൂർ ഗുരുസന്നിധിക്ക് തിലകക്കുറിയാവാൻ കൊടിമരമൊരുങ്ങുന്നു ; വാസ്തു പണ്ഠിത ശ്രേഷ്ഠൻ മൻമഥനാചാരി കുറ്റിയടിക്കൽ കർമ്മം നടത്തി

Even after four and a half decades, the government and local bodies have not opened their eyes; the rocky Parambu-Kuttilkadu road in Thrippangottur panchayat was tarred by locals.